domingo, 2 de enero de 2011

BARRIO A BARRIO

[ZGZ]18 d'aviento
O pasau sabado 18 d'aviento se fación en Zaragoza diversos actos commemorando l'asesinato d'o Chusticia d'Aragón, Chuan de Lanuza, o 20 d'aviento de 1591 por as tropas de Felipe II.
Bloque Independentista de Cuchas | Para Kaos en la Red | 25-12-2010 a las 19:20 | 311 lecturas
www.kaosenlared.net/noticia/zgz-18-daviento

[aragones]

O pasau sabado 18 d'aviento se fación en Zaragoza diversos actos organizaus por o Bloque Independentista de Cuchas commemorando l'asesinato d'o Chusticia d'Aragón, Chuan de Lanuza, o 20 d'aviento de 1.591 por as tropas de Felipe II.


A cucha independentista aragonesa, como viene estando habitual,
salió t'a carrera ta reclamar y exichir dreitos y libertatz nacionals
ta Aragón. O maitín se presentaba fredo en a capital d'o país pero
con tot y con ixo arredol de meyo centenar de personas se reunión en a
Plaza d'o Chusticia sobre as 12 d'o meyodía. L'acto politico resultó
emotivo y en ell se fació alcordanza a Chuan de Lanuza, tamién a importants
luitadors como Salvador Allende, y a aragoneses y aragonesas como
Joaquín Ascaso, Ramón Acín, Amparo Poch, Gaspar Torrente, Concha Monrás,
entre otris. Dimpués de l'acto politico se tastón unas pastas con
moscatel que fació honra ta ir dentrando en calor china-chana.


A las 14:30 plegaba a chenta popular en o centro social A
Enrestida. La afluencia a la mesma estió un exito ya que as medollas
aragonesas y ensalada s'acotolón a escape.


Dimpués d'una luenga sobremesa plegaría l'espacio ludico, t'os más
chovens. O concierto de KOP y Interlude en a Sala López d'o vico d'o
Rabal. O concierto tenió una gran asistencia y a sala amostró un muit
buen aspecto. Amás o publico estió tot o momento entregau. O
concierto lo prencipió a colla zaragozana Interlude. De raso
consolidaus aintro d'a scena mosical aragonesa fación as delicias
d'o publico con o suyo hardcore y fación calentar l'ambient t'o debut d'a
banda catalana KOP en Aragón. Con muitas anyadas a las suyas espaldas vinión
por primera vegada a Zaragoza y no fación burro falso. Lideraus por o suyo cantaire
JuanRa dion tot un recital de hardcore y metal debant d'un publico
de raso entregau especialment en temas como "Desalojos son
disturbios" y tamién d'o suyo zaguero disco "Acció directa".


A nueit remató finalment con una audición en o Bar Bohannon d'a
Madalena que se plenó dica alteras horas d'a maitinada dando por
finalizada una gran chornada reivindicativa pero tamién festiva.


Dende o Bloque Independentista de Cuchas damos as gracias a totz os
presents en os actos y especialment a os companyers de Yesca que i
vinión dende Castiella ta fer-nos companyía en iste important diya
ta nusatros.


Enta alto Aragón libre!

Independenzia & Sozialismo!

No hay comentarios: