Contra o lingüicidio d’o PP y PAR en Aragón
Enviado por AraInfo | Achencia de Noticias d´Aragón el 8 mayo, 2013
En Aragón a 7 de mayo de 2013.- Un atra vegada as luengas d’Aragón iste venient chueves sufriran un enriste por parte d’o PP y o PAR, con a modificación d’actual Lei de Luengas. Una ley esbafada y d’a qual no ha desembolicau os suyos preceptos, pero con tot y con ixo, reconoixe que en Aragón se charran tres luengas; l’aragonés, o catalán y o castellano. Manimenos, o PP y o PAR con a suya reforma, por qüestions politicas y no pas lingüisticas, no quieren nombrar a l’aragonés y a o catalán por o suyo propio nombre. Ta ixo en a suya reforma lo que fan ye inventar dos trazas nuevas de nombrar a istas luengas, que de nombre ya en tienen. O catalán se dirá “lengua aragonesa propia del área oriental” (LAPAO) y l’aragonés “lengua aragonesa propia de las áreas pirenaica y prepirenaica” (LAPAPYP). Ista ye una traza d’invisibilizar y privar d’os suyos dreitos a bells 70.000 fablants en tot Aragón.Una lei que habría de servir ta empentar, dignificar y desembolicar unas luengas que han estau mientres muito tiempo afogadas y amagadas, fa un trango enta zaga y preba d’afogar-las y diluyir-las una mica más.
As luengas d’Aragón son patrimonio cultural de todas as aragonesas por ixo hemos de luitar por os dreitos de todas ixas personas que en a suya vida cutiana las fan servir, y quieren que os suyos fillos creixcan en aragonés y en catalán d’a mesma traza que ellas lo han feito. Prou que con ista politica lingüistica endrezada enta una cultura global y estadarizada que proposan istos partius politicos no conseguiremos reviscolar as luegas que son minorizadas.
Os suyos argumentos ta ista reforma tien os alazetz en una catalonofobia y un espanyolismo que han iu contruyindo y refirmando, terne que terne, con as suyas campanyas istos partius politicos en os zaguers anyos. L’odio y refús enta un pueblo, raza u cultura se denomina racismo u xenofofia y ye propio d’os partius faixistas y de dreitas, como PP y PAR, que lo que fan ye ixeminar por tot Aragón a ideya de odio enta os catalans y o refús enta la suya cultura. En cuentas de desembolicar a convivencia y o intercambio cultural d’os pueblos. Por ixo no son capables d’asumir a realidat cultural Aragón, que cheograficament ye a o canto d’o Principat de Catalunya y tien una zona como a francha en que bi ha un mezclallo cultural muito enriquecedor y que cal consevar. Por atro costau, ista chentota amorta l’atra luenga, muito más chicorrona clamada aragonés, crebando con un pilar alazetal d’a cultura y d’a identidat aragonesa, empentado d’ista traza un espanyolismo más furo diya par d’atro en a nuestra tierra, prebando d’estricallar a conciencia nacional aragonesa y aculturizar encara más a sociedat aragonesa.
Por ixo dende PURNA queremos chilar más fuerte, si encara se puede, que en Aragón antiparte de castellano d’Aragón se charra aragonés y catalán con todas as suyas letras. No cal dixar que por intreses politicos se furten os dreitos de más 70.000 aragonesas y aragoneses que se viyeran invisivilizaus un atra vegada con ista nueva reforma. Hemos de esfender a nuestra propia cultura dende una anvista anticapitalista, feminista y de solidaridat d’entre os pueblos.
Aturemos o lingüicidio en Aragón! Entalto Aragón trilingüe! Visca Aragó trilingüe!
Purna, a chovenalla independentista y revolucionaria
No hay comentarios:
Publicar un comentario